Ministria ukrainase e Punëve të Jashtme ka bërë bilancin e luftimeve me ushtrinë ruse tashmë që përballja ushtarake ka hyrë në ditën e 122-të.

Përmes një postimi në rrjetet sociale, ministria ukrainase deklaron se që nga nisja e luftës më 24 shkurt janë vrarë mbi 34 mijë ushtarë ruse.

Në përditësim, raportohet se janë shkatërruar 217 avionë, 184 helikopterë dhe 1 511 tanke.

Rusia herë pas here ka deklaruar se humbjet në Ukrainë janë të mëdha, por asnjëherë nuk ka pranuar përmasa të tilla.