Përfaqësuesja U17 e Kosovës në volejboll po kryen të gjitha përgatitjet e duhura para kualifikueseve të Kampionatit Evropian U17, të cilat do të zhvillohet mes datave 18-22 janar, në Ankara të Turqisë.

Kosova është pjesë e Grupit B, së bashku me Rumaninë, Bullgarinë dhe Moldavia. Ekipi U17 i Kosovës do të niset nesër në mëngjes, e martë, drejt kryeqytetit turk ku do të vazhdojë përgatitjet para ndeshjes së parë.

Vashat e Kosovës më 18 janar përballen me Rumaninë, kurse një ditë më vonë përballen me Bullgarinë. Ndërsa më datën 20 janar përballen me Moldavinë.