Java e 25-vjetorit të Epopesë së UÇK-së në Nju Jork u përmbyll dje me tryezën e rrumbullakët, kushtuar luftës çlirimtare të Kosovës, me pjesëmarrjen e diplomatëve, profesorëve dhe vetë pjesëmarrësve të kësaj lufte.

Të pranishëm ishin shefi i Misionit në Konsullatën e Përgjithshme të Republikës së Kosovës në Nju Jork, ambasadori Blerim Reka, ambasadori Wiliam Walker, profesori Chris Dolan, botuesi Henry Levy, komandanti i Batalionit Atlantiku, Gani Shehu, vëllai i dëshmorëve Bytyqi, Ilir Bytyqi, veprimtarët Haxhi Dauti, Avni Mustafaj, publicisti Akri Çipa, etj.

Ambasadori Reka ka theksuar se lufta heroike e UÇK-së, me komandantin legjendar, Adem Jashari solli lirinë.

“Luftërat çlirimtare janë fitimtare, e pushtimet e huaja gjithnjë humbëse. Siç kapitulloi ushtria serbe në Kosovë, ashtu do të humb edhe ajo ruse në Ukrainë”, ka deklaruar Reka.