Trajneri Jurgen Klopp ka thënë se Atalantës e ka merituar kualifikimin tutje në Ligën e Evropës. Strategu gjerman ka thënë se tash e tutje “Reds” duhet të mendojnë për titullin në Premier Ligë.

“Atalanta e meritoi të kalonte më tej. Kur fiton 3-1 pas dy ndeshjeve do të thotë që e meritojnë. Ishte e vështirë të përmbysim rezultatin pas humbjes së parë. Kjo ishte ndeshja ime e fundit evropiane me Liverpoolin, tani do të mendojmë për Premier Ligë, ku janë tre skuadra në garë për titullin kampion”, ka thënë Klopp.