Pas takimit me kryeministrin në detyrë dhe kryetarin e Lëvizjes Vetëvendosje, Albin Kurti, në kuadër të bisedimeve për formimin e qeverisë së re, kryetarja e partisë Unionit Social Demokrat, Duda Balje, tha se i shtruan disa kërkesa të boshnjakëve dhe se janë në fazë bisedimesh, raporton Ekonomia Online.

“Sot kemi pasur takimin e parë. Unë dola para kryeministrit me disa kërkesa që i kemi ne si boshnjakë. Nuk pati asgjë konkrete as nga ana e kryeministrit, as nga ana jonë. Jemi në fazën e bisedimeve. Nuk kemi caktuar takim të ardhshëm. Kemi folur, ne jemi pjesë e kuvendit, kemi të drejtë me fol me çdo parti. Kushtet janë të njëjta për çdo parti. Varet nga bisedat që do t’i kemi në këto 15 ditë”, tha Balje.