Nipi i Ramush Haradinajt, Fatlind Neziri ka diplomuar në Akademinë Ushtarake të Turqisë si ushtar i FSK-së.

Fatlindi është djali i motrës së ish-komandantit të UÇK-së, Ramush Haradinajt. Edhe motra e Haradinajt ka qenë në luftë bashkë me burrin e saj, i cili ishte njëri prej ushtarëve të parë të UÇK-së.

Motra e tij, në një postim emocional ka rrëfyer rrugën e vështirë drejt diplomimit të tij.

Postimi i saj i plotë:

Fatlind Nezir Neziri – sot zyrtarisht i diplomuar në Akademinë Ushtarake Turke në kuadër të FSK-së dhe studimet në Marrëdhënie Ndërkombëtare në  Milli Savunma Universitesi pas 5 viteve të mundimshme, por plot suksese.

Sot, zemra ime rreh me krenari e mall njëkohësisht për ty vëlla. Pas shumë netëve pa gjumë, sakrificave dhe sfidave që të shoqëruan në këto vite, ja ku je – me uniformën që aq shumë e deshe, me ëndrrën tënde të bërë realitet. Por mbi të gjitha, ti sot përmbushe edhe ëndrrën e mamit dhe babit, babi u nda nga jeta pa mundur ta shohë këtë ditë, por që gjithmonë jetoi me këtë dëshirë të madhe.

Sa shpesh kemi folur për këtë moment… sa shpesh e kemi imagjinuar buzëqeshjen e tij e lotët e gëzimit që do i kishte sot në sy.

Edhe pse nuk është fizikisht mes nesh, e di që shpirti i tij të ka përcjellë në çdo hap, të ka dhënë forcë kur je lodhur dhe të ka dhënë kurajo kur është bërë e vështirë. Sot ai është krenar, më shumë se kurrë, sepse ti e bëre ëndrrën e tij realitet.

Urime vëlla i dashur, rruga jote sapo ka filluar. Tani jo vetëm familja jote, por edhe atdheu ka fituar një djalë që do ta mbrojë e do t’i shërbejë me nder.

Ky sukses është dhurata më e madhe që mund t’i bëje babit – dhe kujtimit të tij.

Sot nuk festojmë vetëm diplomimin tënd, por festojmë dashurinë, përkushtimin dhe trashëgiminë që ai la tek ne. Jam krenare pafund për ty, Fatlind.