Gjenerali Hisen Berisha, kandidat për deputet i PDK-së me numër 67, mori sot pjesë në takimin që kryetari i PDK-së, kandidati për kryeministër, Bedri Hamza, mbajti me veteranët dhe përfaqësuesit e kategorive të tjera të luftës së Ushtrisë Çlirimtare të Kosovës.

Në kuadër të kësaj ngjarje, Hisen Berisha takoi shumë bashkëluftëtarë e bashkëluftëtare, po ashtu realizoi edhe një takim të shkurt me djalin e Kadri Veselit, Klestorin.

“Me këtë rast, u bëj thirrje e qartë dhe e drejtpërdrejtë për mobilizim të përgjithshëm, që vlerat e luftës të shndërrohen në energji politike dhe qytetare për fitoren e madhe të Partisë Demokratike të Kosovës. PDK u riafirmua si shtëpia politike e atyre që e bënë Kosovën të lirë dhe që sot janë të vendosur ta çojnë vendin përpara, me dinjitet, zhvillim dhe përgjegjësi shtetërore”, ka thënë gjenerali Hisen Berisha.