Kandidati i PDK-së për deputet me numër 20, Altin Krasniqi, ka takuar Klestor Veselin, djalin e ish-kryetarit të PDK-së, Kadri Veseli, me rastin e ditëlindjes së këtij të fundit.

Përmes një postimi në Facebook, Krasniqi ka shprehur kënaqësinë për takimin dhe ka uruar që familja Veseli t’i kalojë festat e ardhshme së bashku në Kosovë.

“Kënaqësi ta takoj Klestorin dhe t’ia uroj ditëlindjen e babait të tij, Kadri Veseli. Uroj që festat e ardhshme t’i presim së bashku me ta, në vendin e tyre, në Kosovë. Familjes Veseli i jam shumë mirënjohës për mbështetjen dhe besimin e vazhdueshëm”, ka shkruar Krasniqi.

Ai po ashtu ka falënderuar familjen Veseli për mbështetjen dhe besimin e vazhdueshëm, duke vlerësuar kontributin e tyre ndër vite.