Veprimtari shqiptar në Zvicër, Sali Bislimi, ka bërë të ditur se ka zhvilluar një bisedë telefonike me eurodeputetin liberal-demokrat, Ilhan Kyuchyuk, njëherësh kryetar i Komisionit për Çështje Juridike në Parlamentin Evropian.

Përmes një postimi në rrjetet sociale, Bislimi ka thënë se i ka kërkuar eurodeputetit të ndërmarrë hapa lidhur me procesin gjyqësor ndaj ish-presidentit të Kosovës, Hashim Thaçi.

“Ju lutem bëni diçka për presidentin Thaçi. Është turp për demokracinë evropiane me standarde të dyfishta për Kosovën. Si është e mundur gjashtë vite në paraburgim, si një burg pa gjyq. Nuk ngrihet kredibiliteti i gjykatës duke krijuar dhimbje dhe padrejtësi”, ka shkruar Bislimi.

Ai e ka cilësuar të papranueshme zgjatjen e paraburgimit të Thaçit, duke kërkuar trajtim të drejtë dhe respektim të standardeve të drejtësisë.