Chelsea po përgatit një ofertë për mesfushorin e Paris Saint-Germainit, Fabian Ruiz.

Sipas “The Guardian”, trajneri i londinezëve, Xabi Alonso, e vlerëson shumë mesfushorin spanjoll dhe dëshiron ta transferojë në “Stamford Bridge”.

Chelsea është i gatshëm të paraqesë një ofertë që mund të kalojë shifrën e 60 milionë eurove për 30-vjeçarin.

Megjithatë, Ruiz së fundmi ka rinovuar kontratën me PSG-në dhe aktualisht nuk ka ndërmend të largohet nga kampionët e Francës.

Situata mund të ndryshojë nëse Chelsea paraqet një ofertë të konsiderueshme, që do ta bënte klubin francez të shqyrtonte mundësinë e shitjes së tij.

Alonso e njeh mirë Ruiz dhe e sheh atë si një përforcim të rëndësishëm për mesfushën e skuadrës londineze.

Për momentin, PSG nuk ka dhënë asnjë sinjal se dëshiron të heqë dorë nga mesfushori spanjoll, por Chelsea po përgatitet të bëjë një ofertë mbi 60 milionë euro.

Mbetet të shihet nëse kjo shumë do të jetë e mjaftueshme për të bindur PSG-në dhe vetë Fabian Ruizin për një aventurë të re në Premier League.