Presidenti i Argjentinës ka shpallur 6 tetorin ditë pushimi zyrtar, me rastin e ndeshjes që pritet të jetë paraqitja e fundit e Lionel Messit me fanellën e kombëtares argjentinase.

Të gjithë qytetarët pritet të qëndrojnë në shtëpi për të ndjekur ndeshjen e fundit të legjendës argjentinase me përfaqësuesen, në një mënyrë të veçantë për të nderuar një prej figurave më të mëdha në historinë e vendit.

Vendimi ka ngjallur emocione të mëdha te tifozët, pasi Messi pritet t’i japë fund një epoke të jashtëzakonshme me Argjentinën, pas sukseseve të shumta dhe trofeve të fituara me fanellën e kombëtares.