Juventusi është tronditur nga dëmtimi i superyllit të skuadrës, Kenan Yildiz. Situata është më serioze nga sa u mendua fillimisht, ndërsa turku pritet të qëndrojë rreth tre muaj jashtë fushave.

Trajneri Luciano Spalletti do të duhet të bëjë llogaritë pa yllin e skuadrës për një pjesë të konsiderueshme të sezonit. Yildiz pësoi një frakturë në metatarsalin e pestë të këmbës së majtë dhe pritet t’i nënshtrohet ndërhyrjes kirurgjikale.

Sulmuesi turk u zëvendësua në minutën e 69-të në ndeshjen ndaj Frosinones, të zhvilluar të dielën.

Juventusi ndërkohë mbetet aktiv në merkato dhe gjatë kësaj jave pritet të ketë sërish lëvizje në skuadër, veçanërisht pas dëmtimit të Yildiz.