Atmosferë e jashtëzakonshme në Zoutleeuw të Belgjikës, ku sonte do të zhvillohet një meç i boksit profesionist mes boksierit shqiptar nga Strellci i Deçanit, Arigon Avdimetaj, dhe hungarezit Karoly Botos.

Salla është e mbushur me shumë shikues, të cilët kanë krijuar një atmosferë të zjarrtë dhe po e përcjellin me entuziazëm këtë përballje të rëndësishme.

Arigon Avdimetaj, i cili jeton në Belgjikë, po kërkon të tregojë përgatitjen dhe forcën e tij në ring, ndërsa mbështetësit shqiptarë janë të pranishëm për ta përkrahur boksierin nga Strellci i Deçanit.

Përballja do të zhvillohet rreth ores 22:00, në qytetin e Zoutleeuw, në Belgjikë.