Deputetja e Unionit Socialdemokrat, Duda Bale, ka thënë se, përderisa nuk ka marrëveshje me Lëvizjen Vetëvendosje, nuk do të votojë për kandidatin për president, Bekim Sejdiu.

Bale theksoi se nuk është duke parë ndonjë mundësi se si do të zgjidhet presidenti i ri.

“Unë deri tash nuk kam pas asnjë takim me përfaqësuesit e Lëvizjes Vetëvendosje, nuk kemi pas asnjë marrëveshje, asnjë takim, derisa është kështu nuk e shoh të arsyeshme me jap votën teme”, ka deklaruar ajo, para fillimit të vazhdimit të seancës konstituive.