Sulmet ajrore ruse kanë plagosur 26 persona dhe kanë dëmtuar ndërtesa në Kiev dhe Odesa, ndërsa sulme janë raportuar edhe në zona të tjera gjatë natës, thanë zyrtarët në Telegram.

Administrata ushtarake e Kievit tha se 16 persona, përfshirë dy fëmijë, u plagosën në qytet.

Ajo shtoi se, përveç ndërtesave të banimit dhe objekteve të banuara, mbetje nga sulmet ranë edhe në ambiente magazinimi dhe pranë një pike karburanti, të cilat kohët e fundit janë bërë objektiva të shpeshta të sulmeve ruse, raporton skynews.

Tre persona të tjerë u plagosën në qytetin juglindor të Zaporizhias, ku një sulm me raketë shkaktoi gjithashtu zjarr në një objekt industrial, thanë autoritetet lokale në Telegram.

Në Odesa, shtatë persona u plagosën, përfshirë dy fëmijë, pasi Rusia goditi një ndërtesë banimi 19-katëshe, si dhe pesë shtëpi private, njoftoi administrata rajonale.