Në Prishtinë, në sheshin “Skënderbeu”, ka nisur mbledhja e qytetarëve që pritet t’i bashkohen protestës lidhur me vendimin e marrë në Hagë.

Qytetarë nga zona të ndryshme kanë filluar të mblidhen, ndërsa pritet që numri i pjesëmarrësve të rritet gjatë orëve në vijim. Në shesh është shpalosur edhe një flamur gjigant kuq e zi, me shqiponjën dykrenare dhe logon e UÇK-së.

Protesta synon të shprehë pakënaqësinë ndaj vendimit dhe të përcjellë mesazhin e pjesëmarrësve lidhur me zhvillimet në Hagë.

Organizatorët kanë bërë thirrje për pjesëmarrje të qetë dhe pa incidente. Protesta pritet të vijojë me fjalime dhe deklarata nga organizatorët dhe pjesëmarrësit.