Deputeti i LDK-së, Ermal Sadiku, ka reaguar ndaj kërkesave të disa deputetëve të VV-së për dorëheqjen e atyre që e kanë votuar Gjykatën Speciale.

Përmes një postimi në Facebook, ai ka thënë se duhet nisur më herët, që nga ata që ishin kundër Rambujesë, Pakos së Ahtisaarit, ata që e kundërshtonin formimin e shtetin që e kemi sot, ata që premtuan Bashkim Kombëtar sapo të vinin në pushtet dhe ata që gjuanin policinë me gurë dhe institucionet e shtetit me molotov.

Postimi i tij i plotë:

Disa deputetë të VV-së paskan kërkuar dorëheqjen e atyre që e kanë votuar Gjykatën Speciale.

Në rregull. Atëherë ndoshta është mirë me fillu pak më herët.

Me u dorëheq ata që ishin kundër Rambujesë.

Ata që ishin kundër Pakos së Ahtisaarit.

Ata që e kundërshtonin formimin e shtetin që e kemi sot.

Ata që premtuan Bashkim Kombëtar sapo të vinin në pushtet.

Ata që gjuanin policinë me gurë dhe institucionet e shtetit me molotov.

Nëse po hapim temën e përgjegjësisë politike po fillojmë me themelet.