Sulmuesi anësor i Barcelonës, Lamine Yamal, dha dy asistime në ndeshjen e javës së dytë të Ligës së Kampionëve kundër Galatasarayt, e cila përfundoi me fitoren 4-1 për katalanasit.
Spanjolli asistoi për Fermin Lopez në minutën e 50-të dhe Anthony Gordon në minutën e 53-të. Duke vepruar kështu, Yamal vendosi një rekord të ri të turneut.
Ai u bë lojtari më i ri në historinë e Ligës së Kampionëve që arriti të kontribuojë në 25 gola, duke e çuar totalin e tij në 12 gola dhe 14 asistime në këtë garë.
Yamal e arriti këtë rekord në moshën 19 vjeç e 92 ditë. Lojtari më i ri që e kishte arritur këtë rekord më parë ishte sulmuesi Kylian Mbappe, i cili e arriti këtë në moshën 20 vjeç e 306 ditë.

Lojtarët më të rinj që kanë arritur 25 kontribute në gola në Ligën e Kampionëve

1. Lamine Yamal – 19 vjeç, 92 ditë (Barcelona)
2. Kylian Mbappe – 20 vjeç, 306 ditë (Monaco, Paris Saint-Germain)
3. Erling Haaland – 21 vjeç, 139 ditë (RB Salzburg, Borussia Dortmund)
4. Jude Bellingham – 21 vjeç, 214 ditë (Borussia Dortmund, Real Madrid)
5. Lionel Messi – 21 vjeç, 316 ditë (Barcelona)
6. Vinicius Junior – 22 vjeç, 113 ditë (Real Madrid)
7. Raul – 22 vjeç, 261 ditë (Real Madrid)
8. Rodrygo – 22 vjeç, 288 ditë (Real Madrid)
9. Mario Gotze – 23 vjeç, 118 ditë (Borussia Dortmund, Bayern Munich)
10. Cesc Fabregas – 23 vjeç, 134 ditë (Arsenal)