Ish-komandanti i Zonës Operative të Drenicës, Sami Lushtaku, ka përkujtuar dëshmorët e kombit të cilët kanë rënë heroikisht 25 vjet me parë në luftën për çlirimin e Kosovës.

Fillimisht, Lushtaku ka përkujtuar dëshmorin Ilir Lushtaku.

“25 vjet që kur kaloi në përjetësi dëshmori Ilir Lushtaku, kushëriri e bashkëluftëtari trim, luftëtari sypatrembur, që sakrifikoi jetën në mbrojtje të tokës së Prekazit e të Kosovës! Lavdi e përjetshme!”, ka shkruar Lushtaku në “Facebook”.

Më tutje, Lushtaku ka përkujtuar edhe dëshmorin Sadik Haziraj nga Llausha e Skenderajt.

“Në përkujtim të 25-vjetorit të rënies së dëshmorit të kombit Sadik Haziraj, luftëtarit të dalluar që luftoi trimërisht deri në rënien heroike më 26 mars 1999 në Llaushë. Lavdi e përjetshme!”, ka shkruar Lushtaku.

Po ashtu, Lushtaku ka përkujtuar edhe  komandantin Mustafë Qorraj nga Pemishta, dëshmorët Zeqir Mulaj, Isuf Mulaj e Ismet Spahiu nga Vitaku dhe Fazli Beqirin e Arben Nurën nga Aqareva.