Mbretëresha e muzikës pop, Beyonce, pak ditë më parë ka prezantuar filmin e saj “Black is King”.

Me këngë të fuqishme dhe performancë të mahnitshme në formën e një albumi vizual, krijuesja e hitit “Run the World (Girls)” bëri një rrëfim të veçantë ku, mes të tjerash, trajtoi historinë e njerëzve me ngjyrë dhe traditës afrikane.

Në projektin madhështor ajo ka bashkuar forcat sërish me stilistët shqiptarë “Kujta & Meri” dhe kjo nuk është hera e parë. Këta të fundit përmes një postimi të ndarë në “Instagram” kanë treguar se si ishte kjo përvojë për ta.