Organizatat e dala nga lufta e Ushtrisë Çlirimtare të Kosovës do të mbajnë sot një protestë në Prishtinë, duke filluar nga ora 17:00 në kundërshtim të padrejtësive nga Gjykata Speciale dhe raportimeve se dosje e dokumente të Serbisë po përdoren nga Gjykata Speciale në procesin gjyqësor ndaj ish-krerëve të UÇK-së në Hagë.

Veprimtari Sali Bislimi, i cili jeton dhe vepron në Zvicër, ka bërë thirrje për protestë masive.

Ai ka shkruar në “Facebook” se: “O sot o kurrë aty për Kosovën tonë në shesh tek Gjergji jonë”.

“O sot o kurrë aty për Kosovën tonë në shesh tek Gjergji jonë! Presidenti Thaçi i harruar në drejtësinë e kontrabanduar! Liri sot për presidentin, nesër jemi vonë! Nga sot një popull në këmbë për drejtësi deri në lirimin e të gjithë heronjve tanë te kindapuar politikisht në Hagë! Drejtësia duhet të triumfoj bashkë me presidentin tonë të lirë”, ka shkruar Bislimi.