Për nder të Ditës së Flamurit – më 28 Nëntor, kryetari i Deçanit, Bashkim Ramosaj, mori pjesë në një ceremoni solemne të organizuar nga Federata Pan-Shqiptare “VATRA” në Shtetet e Bashkuara të Amerikës, me rastin e Ditës së Flamurit dhe të Pavarësisë së Shqipërisë.

Në këtë aktivitet të rëndësishëm ishin të pranishëm personalitete të shquara të kombit tonë, ndër ta: Princi Leka II, ambasadori i Shqipërisë në ShBA, veprimtarët dhe atdhetarët e mëdhenj të çështjes kombëtare, Rrustem Gecaj dhe Harry Bajraktaraj, si dhe shumë shqiptarë të suksesshëm me zemër e gjak atdhetar.

Atmosfera vëllazërore dhe flamuri ynë kuqezi në zemër të Amerikës dëshmojnë se dashuria për Atdheun nuk njeh kufij. Kjo tregon se shqiptarët, kudo që ndodhen, vazhdojnë ta ngrenë lart krenarinë kombëtare dhe amanetin e lirisë.