Dy ndeshje të mërkurën dhe dy të enjten, do të zhvillohen në kuadër të xhiros së 22-të në Superligën e Kosovës në basketboll.

Xhiro do të hapet në Pejë dhe Rahovec, ku do të ketë ndeshje interesante që do të startojnë nga ora 19:30.

Në palestrën “Karagaçi”, skuadra e Pejës pret kampionen në fuqi, Trepçën që nuk di për humbje në kampionat në 12-të ndeshjet e fundit.

Ndërkohë, Rahoveci 028 do të përballet me Borën në palestrën “Mizahir Isma” ku pritet një atmosferë e mirë në përkrahje të ekipit vendas.

Edhe përballjet e së enjtes, do të startojnë nga ora 19:30 dhe të dyja pritet të jenë interesante dhe të forta.

Në Prizren, saktësisht palestrën “Sezai Surroi”, Bashkimi do të përballet me skuadrën e Vëllaznimit kurse në kryeqytet, Sigal Prishtina e pret Golden Eagle Yllin.