Ish deputetja e PDK-së, Besa Ismaili, ka reaguar ndaj kërcënimeve që i janë bërë presidentes Vjosa Osmani.

Ajo ka shkruar në ‘Facebook’ se pushkatimet dhe ekzekutimet janë praktika të shteteve të poshtra dhe regjimeve që nuk respektojnë jetën njerëzore.

“Kosova nuk e tillë!”, ka shkruar ajo.

Sipas Ismailit, një shoqëri demokratike ndërtohet mbi drejtësinë, ligjin dhe respektin për dinjitetin e çdo njeriu, jo mbi dhunë dhe kërcënime.

“Asnjë mosmarrëveshje politike nuk mund të justifikojë thirrje për ekzekutim. Gjuha e urrejtjes dhe nxitja për dhunë janë të rrezikshme për shoqërinë dhe duhet të dënohen qartë nga të gjithë”, ka shkruar Ismaili.