Xhiroja e 25-të e Superligës së futbollit do të luhet në këtë mesjavë, më saktësisht të martën e të mërkurën.

Sot do të luhen dy ndeshje e nesër tri të tjera.

Prishtina do ta kërkojë këndelljen në Ferizaj, ndonëse e pret një punë mjaft e vështirë pasi vendësit kanë shumë nevojë për pikë të mbijetesës.

Bardhekaltrit e Afrim Tovërlanit kanë ngecur paksa nga kreu i tabelës dhe një dështim tjetër eventual do t’i largonte edhe më shumë nga ambicia për t’u shpallur kampionë të Kosovës.

Ndërkohë, sot do të luajnë edhe Drenica me Malishevën.