Juventus ka rikthyer interesimin për sulmuesin e ri Assane Diao, duke e konsideruar si një përforcim të rëndësishëm për sezonin e ardhshëm.

Sipas mediave italiane, futbollisti 20-vjeçar, që aktualisht është pjesë e Comos, shihet si një profil ideal për repartin ofensiv falë shpejtësisë dhe aftësive të tij teknike. Edhe pse është përballur me probleme fizike këtë sezon, potenciali i tij vazhdon të mbetet shumë i lartë.

Drejtuesit e Juventusit synojnë të freskojnë krahët e sulmit dhe e shohin Diaon si një investim afatgjatë. Vlera e tij në treg pritet të arrijë rreth 30 milionë euro./Klankosova.tv