Kryetari i BDI-së, Ali Ahmeti, ka thënë se me dhimbje të thellë ka marrë lajmin për ndarjen nga jeta të akademikut Rexhep Qosja, një prej intelektualëve të shquar të kombit tonë.

Ai ka thënë se veprimtaria e tij letrare, shkencore dhe kombëtare do të mbetet shembull dhe udhërrëfyes për brezat që vijnë.

“Akademiku Qosja i dha shumë gjuhës, letërsisë, kulturës dhe identitetit shqiptar, duke lënë pas një trashëgimi të pashlyeshme. Në këto momente të rënda, shpreh ngushëllimet më të sinqerta për familjen, miqtë dhe gjithë popullin shqiptar. I përjetshëm kujtimi për Akademikun Rexhep Qosja”, ka shkruar Ahmeti në “Facebook”.