Kandidati për deputet nga radhët e PDK-së, Përparim Gruda, ka thënë se Kosova është duke u ballafaquar me një qeveri abuzuese dhe me mendësi autoritare.

Ai ka thënë se Lëvizja Vetëvendosje dhe lideri i saj, Albin Kurti nuk e kuptojnë demokracinë.

“Tash e sa vjet ballafaqohemi me një qeveri abuzuese, mendësi autoritare dhe logjikë anti-shtetërore nga një njeri e një parti që thjesht nuk e kupton demokracinë. Por, nuk do të lejojmë të shkatërrohet shteti që u ndërtua me aq shumë mund e sakrificë”, ka shkruar Gruda në mbishkrimin e një videoje të publikuar në “Facebook”.