Driton Talin, ish-këshilltar i Albin Kurti, e ka kritikua ashpër ish-shefin e tij.

Ai ka theksuar se lideri i LV-së po i privilegjon pinjollët e UDB-së.

Tali ka shkruar në “Facebook” se Kurti ata i ka futur në listë për deputet e po ju jep poste të larta shtetërore.

“Bashkimi Kombëtar! Dikur Hashimi pinjollët e UDB-së i mbante rreth vetit. E Albini edhe në listë të deputetëve i ka futë, bile po u jep edhe poste të rëndësishme shtetërore. Kjo është bashkim kombëtar në vepër, jo veç me fjalë!”, ka shkruar ai.

Tali për një kohë të gjatë kishte bashkëpunuar me LV-në dhe Albin Kurti.

Në zgjedhjet e vitit 2017 ai ishte pjesë e listës së LV-së për deputet, kurse në vitin 2019, Kurti e kishte emëruar si këshilltar politik për çështje të koordinimit të SHERPA dhe zbatimit të Planit Shumëvjeçar të Veprimit për Zonën Ekonomike Rajonale.