Ushtruesja e detyrës së presidentes, Albulena Haxhiu, në Tivat ku po përfaqëson Kosovën në samitin BE-Ballkani-Perëndimor, ka thënë se Kosova ka ndërmarrë reforma të rëndësishme dhe se “ne po punojmë fort për qytetarët tanë dhe për të ardhmen tonë evropiane”.

“Siç e dini, ne jemi plotësisht të harmonizuar me politikën e jashtme dhe të sigurisë së Bashkimit Evropian. Nga ky samit presim diskutime frytdhënëse nga të gjithë përfaqësuesit dhe rezultate pozitive. Prandaj, Kosova e meriton pyetësorin, statusin e vendit kandidat dhe hapjen e negociatave”, ka thënë ajo.

Haxhiu ka thënë se integrimi i Kosovës në Bashkimin Evropian nuk është vetëm një proces teknik, “ai ka të bëjë me prosperitetin, paqen, demokracinë dhe dinjitetin për Evropën dhe për qytetarët tanë”.