Ish deputetja e Kuvendit të Kosovës, profesoresha, Besa Ismaili-Ahmeti, ka theksuar se partneriteti strategjik me SHBA-në mbetet jetik për të ardhmen e Kosovës, edhe në fushën e sigurisë energjetike.

“Çdo iniciativë që diversifikon burimet e energjisë dhe forcon bashkëpunimin rajonal duhet të shqyrtohet me përgjegjësi dhe në interes të qytetarëve. Kosova duhet të investojë në një qasje të balancuar, duke kombinuar energjinë e ripërtëritshme, modernizimin e infrastrukturës dhe alternativa të qëndrueshme që garantojnë siguri energjetike, zhvillim ekonomik dhe mbrojtje të mjedisit”, ka shkruar Ismaili-Ahmeti në ‘Facebook’.