Në Klinë është përuruar shtatorja e ish-presidentit të Kosovës, Ibrahim Rugova.

Ish-kryetari i Aleancës për Ardhmërinë e Kosovës (AAK), Ramush Haradinaj, ka ndarë fotografi dhe detaje nga ceremonia përmes një postimi në Facebook.

Haradinaj ka theksuar se brezat e tërë që u angazhuan për lirinë dhe pavarësinë e Kosovës do të nderohen përjetë.

“Sot, në Klinë, në vigjilje të 4 Korrikut, Ditës së Pavarësisë së Amerikës, nderuam Presidentin historik Ibrahim Rugova në përurimin e shtatores së tij.

Brezave të tërë shqiptarëve që u angazhuan për lirinë dhe pavarësinë do t’i nderojmë përjetë, brez pas brezi.

Nderime për të gjithë deputetët e Deklaratës Kushtetuese të 2 korrikut 1990. Nderime për Presidentin Ibrahim Rugova, për dëshmorët dhe martirët e kombit. Respekt për të gjitha kategoritë e lirisë”, ka shkruar Haradinaj në “Facebook”.