Kapiteni i Zvicrës, Granit Xhaka, ka regjistruar një tjetër rekord personal në karrierën e tij.

Mesfushori me prejardhje nga Kosova ka zhvilluar ndeshjen e tij të 150-të me fanellën e kombëtares helvetike.

Prej vitesh, 33-vjeçari është shndërruar në një nga lojtarët kyç të formacionit të Zvicrës, duke qenë lider në mesfushë dhe kapiten i ekipit.

Deri më tani, Xhaka ka shënuar 18 gola në paraqitjet e tij zyrtare me kombëtaren.

Ai po jep kontribut të madh edhe në Kampionatin Botëror që po zhvillohet në Shtetet e Bashkuara të Amerikës, Kanada dhe Meksikë.

Së fundmi, Granit Xhaka është renditur edhe në mesin e tre mesfushorëve më efikas për pasimet drejt fazës së sulmit në këtë Botëror.