Kryetari i Komunës së Mitrovicës, Faton Peci, së bashku me Nënkryetarin, Enis Osmani dhe Drejtorin për Shërbime Publike dhe Infrastrukturë, Naser Muja, vizituan nga afër fillimin e punimeve të projektit infrastrukturor në vlerë prej 3 milionë euro, në lagjen e heroit Mehë Uka, në Bajgorë.

Kryetari Faton Peci tha se ky projekt do të përfshijë asfaltimin e disa rrugëve në fshatrat e kësaj zone.

“Investimet e tjera do të vazhdojnë, sepse Shala e meriton zhvillimin”, u shpreh ndër të tjera kryetari Peci.