Portieri i parë i Barcelonës, Joan Garcia, bëri një premtim interesant nëse Blaugranët fitojnë Ligën e Kampionëve në sezonin e ri 2026/27.

Konkretisht, Garcia tha publikisht se do të bënte një tatuazh të trajnerit të Barcelonës, Hansi Flick, nëse ata do të fitonin Ligën e Kampionëve.

“Nëse fitojmë Ligën e Kampionëve, do të duhet të bëj diçka, nuk e di nëse do t’ia bëj tatuazh fytyrën Hansit…”, ka thënë Garcia duke qeshur me gazetarët.

Ju kujtojmë se diçka të ngjashme bëri edhe bashkëlojtari i tij nga kombëtarja, Marc Cucurella, i cili tha para Kupës së Botës se do të bënte një tatuazh me imazhin e trajnerit të Spanjës, Luis de la Fuente, nëse do të fitonin titullin e botës.

Në fund, Spanja u bë kampione bote për herë të dytë dhe Cucurella e përmbushi premtimin e tij duke bërë tatuazh fytyrën e De La Fuentes.

Ndryshe, Garcia mbërriti në Barcelonë para fillimit të sezonit të kaluar nga rivalët e qytetit, Espanyol dhe ishte njëri nga lojtarët kryesor në triumfin e klubit në La Liga dhe Copa del Rey.