Kryetari i Lëvizjes Vetëvendosje dhe kryeministri në detyrë, Albin Kurti, nuk është prononcuar për medie pas takimit me liderët e subjekteve politike në presidencë, takim ky i thirrur nga ushtruesja e detyrës së presidentes Albulena Haxhiu.

Por, me të dalë nga objekti i Presidencës, Kurti është pyetur nga gazetarët se përse nuk po e thërret mbajtjen e seancës konstituive dhe se a ka biseduar me kryesuesin Avni Dehari për këtë.

Por, Kurti është përgjigjur shkurt duke thënë se “unë nuk thërras seancë”.

Takimi, i thirrur nga ushtruesja e detyrës së presidentes, Albulena Haxhiu, kishte në fokus tejkalimin e ngërçit institucional dhe mundësinë e arritjes së një marrëveshjeje për presidentin.