Prokuroria Themelore në Mitrovicë ka ngritur aktakuzë ndaj A.S., i cili dyshohet se më 27 maj 2026, në një banesë në rrugën “Adem Voca”, ka vrarë me thikë E.I. dhe ka tentuar ta vrasë edhe S.I
Sipas prokurorisë i pandehuri dyshohet për veprat penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”.
“Me 27 maj 2026 në rrugën ‘Adem Voca’ në Mitrovicë, në banesën e viktimës E.I., i pandehuri A.S., ka privuar nga jeta viktimën në mënyrë tinëzake dhe mizore, ashtu që ka shkuar në banesën e viktimës i cili në banesë ishte së bashku me të dëmtuarin S.I., dëshmitarin I.M., dhe vajzën e tij të mitur gjashtëvjeçare. Në momentin që viktima ia hapë derën të pandehurit, i njëjti i flet viktimës, e përqafon dhe ja uron festën e Kurban Bajramit, hyn brenda në kuzhinë dhe papritmas nxjerr armën e ftoftë, thikën dhe e prenë viktimën në regjionin e përparmë të qafës, duke i shkaktuar plagë vdekjeprurëse viktimës ende pa arritur të dërgohet në spital”, ka njoftuar prokuroria.
Si pasojë e plagës së shkaktuar, E.I. kishte vdekur para se të arrinte të dërgohej në spital.
Pas këtij veprimi, sipas aktakuzës, i pandehuri i ishte drejtuar edhe të dëmtuarit S.I., duke tentuar ta godiste në fyt me thikë. I dëmtuari kishte arritur t’i shmangej goditjes, ndërsa A.S. e kishte goditur në fytyrë, përkatësisht në hundë dhe buzë, duke i shkaktuar lëndime të lehta trupore me pasoja të përkohshme për shëndetin.
Prokuroria ka kërkuar që të pandehurin ta shpall fjator dhe t’i jepet dënimi meritor sipas ligjit.
