Interi po shqyrton mundësinë e transferimit të sulmuesit të Arsenalit, Gabriel Martinelli, në kuadër të përpjekjeve për të përforcuar repartin ofensiv.

Sipas “Corriere dello Sport”, klubi italian po kërkon një futbollist kreativ në sulm, i aftë të krijojë diferencën në situata një kundër një, ndërsa Martinelli shihet si një prej profileve që mund t’i përshtatet kërkesave të trajnerit dhe drejtuesve zikaltër.

Braziliani vazhdon të jetë pjesë e rëndësishme e Arsenalit, por interesimi i Interit mund të sjellë një zhvillim të ri në merkato. Klubi italian po vlerëson disa alternativa dhe synon të shtojë cilësi, shpejtësi dhe kreativitet në fazën ofensive.

Megjithatë, një transferim i ri në sulm mund të varet edhe nga largimi i njërit prej futbollistëve aktualë të Interit. Për këtë arsye, drejtuesit e klubit po monitorojnë situatën dhe mund të ndërmarrin hapa konkretë vetëm nëse krijohet hapësirë në skuadër.

Martinelli, me shpejtësinë, teknikën dhe aftësinë për të eliminuar kundërshtarët në duele direkte, konsiderohet një profil që mund t’i ofrojë Interit më shumë alternativa dhe dinamizëm në repartin ofensiv.