Gjatë 24 orëve të fundit, prokuroritë themelore në Kosovë kanë ngritur 35 aktakuza ndaj 37 personave, të dyshuar për kryerjen e veprave të ndryshme penale.

Sipas raportit 24-orësh të Prokurorit të Shtetit, me urdhër të prokurorëve janë ndaluar gjithashtu 19 persona, nën dyshimin për kryerje të veprave të ndryshme penale.

Ndërkohë, janë parashtruar edhe tri kërkesa për caktimin e masës së paraburgimit ndaj tre personave të dyshuar.

Të dhënat janë bërë të ditura përmes raportit 24-orësh të Prokurorit të Shtetit. Raportime të tilla publikohen rregullisht nga sistemi prokurorial për të pasqyruar veprimet e ndërmarra gjatë 24 orëve të fundit.