Këshilli Gjyqësor i Kosovës (KGJK), në takimin e tij të 372-të, shqyrtoi raportin e Komisionit për shqyrtimin e aplikacioneve, intervistimin, vlerësimin dhe rekomandimin e kandidatëve për pozitën e kryetarit të Gjykatës Administrative.

Anëtarët e KGJK-së, sipas rekomandimit të Komisionit Vlerësues për intervistimin, vlerësimin dhe rekomandimin e kandidatëve, dhe pas zhvillimit të procesit të votimit, me shumicë votash zgjodhën Kreshnik Kaçiu kryetar të Gjykatës Administrative të Republikës së Kosovës.

Mandati i tij është pesëvjeçar dhe do të filloj nga data e hyrjes në fuqi të këtij vendimi.