Në kuadër të protestave që po organizohen në vende të ndryshme të Evropës dhe më gjerë, edhe në Lörrach do të mbahet një protestë në mbështetje të krerëve të UÇK-së që ndodhen në Hagë.

Protesta, e cila do të zhvillohet nën moton “Jo në emrin tim”, do të mbahet më 11 tetor 2026, në Marktplatz, Lörrach, duke filluar nga ora 15:00.

Sipas njoftimit të organizatorëve, protesta do të jetë paqësore dhe ka për qëllim shprehjen e mbështetjes dhe solidaritetit me krerët e Ushtrisë Çlirimtare të Kosovës që po përballen me procesin gjyqësor në Hagë. “Ftohen të gjithë bashkatdhetarët që të marrin pjesë në protestën paqësore në mbështetje të çlirimtarëve të UÇK-së në Hagë”, thuhet në njoftimin e organizatorëve.

Organizatorët u bëjnë thirrje të gjithë bashkatdhetarëve që t’i bashkohen protestës, me qëllim që, siç thuhet, të dëshmohet uniteti dhe solidariteti i komunitetit shqiptar.

Për informata dhe kontakt:

Tahir Çitaku

+49 1522 2400826

Nezir Gashi

+49 1525 6596584