Ish-deputetja e Partisë Demokratike të Kosovës (PDK), Besa Ismaili-Ahmeti, ka uruar 27-vjetorin e themelimit të kësaj partie, duke theksuar historinë e saj dhe rolin e lidershipit në çlirimin, pavarësinë dhe shtetndërtimin e Kosovës.

Përmes një postimi në ‘Facebook’, Ismaili-Ahmeti ka thënë se PDK-ja lindi nga një popull që nuk iu nënshtrua robërisë dhe u rrit nën udhëheqjen e atyre që i dhanë drejtim proceseve të rëndësishme për Kosovën.

Ajo ka theksuar se, ndërsa ish-udhëheqësit mbahen në Hagë, mbrojtja e së vërtetës së luftës çlirimtare mbetet, sipas saj, një detyrim i panegociueshëm.

“Për ne mbrojtja e së vërtetës së luftës çlirimtare mbetet detyrim i panegociueshëm përballë çdo përpjekjeje për ta tjetërsuar atë në shërbim të agjendave serbo-ruse”, ka shkruar ajo.

Ismaili-Ahmeti ka vlerësuar gjithashtu kontributin e aktivistëve të PDK-së, duke thënë se forca e kësaj partie buron nga sinqeriteti i tyre, besnikëria ndaj idealeve dhe përkushtimi ndaj Kosovës.

Në fund të mesazhit të saj, ish-deputetja ka theksuar se PDK-ja shënon 27 vjet histori, përgjegjësi dhe qëndresë, duke e përmbyllur urimin me mesazhin: “Me rrënjë në liri, me besimin se dielli do të lind përsëri dhe me Kosovën mbi gjithçka.”

“Gëzuar, PDK!”, ka përfunduar ajo.
Shkurtoje lajmin për publikim të shpejtë
Bëje titullin më neutral.

Postimi i plotë i saj:

Urime 27-vjetori i themelimit të Partisë Demokratike të Kosovës, PDK!

PDK-ja lindi nga zemra e një populli që nuk iu nënshtrua robërisë. U rrit nën lidershipin e burrështetasve që i dhanë drejtim çlirimit, pavarësisë dhe shtetndërtimit të Kosovës.

Sot, ndërsa ata mbahen në Hagë, për ne mbrojtja e së vërtetës së luftës çlirimtare mbetet detyrim i panegociueshëm përballë çdo përpjekjeje për ta tjetërsuar atë në shërbim të agjendave serbo-ruse.

Forca e PDK-së buron nga aktivistët e saj të sinqertë, nga besnikëria ndaj idealeve dhe nga përkushtimi i palëkundur ndaj Kosovës. Ata e mbajtën në këmbë në çdo sfidë. Ata ia japin fuqinë për të ecur përpara!

27 vjet histori, përgjegjësi dhe qëndresë.
Me rrënjë në liri, me besimin se dielli do të lind përsëri dhe me Kosovën mbi gjithçka.

GËZUAR, PDK! 🇽🇰