Ish-deputetja e PDK-së, Besa Ismaili-Ahmeti, ka ngritur pikëpyetje për vonesën e publikimit të raportit të Inspektoratit Policor të Kosovës (IPK), lidhur me veprimet e policisë gjatë protestës së 5 tetorit, të organizuar në mbështetje të liderëve të UÇK-së.

Përmes një postimi në ‘Facebook’, Ismaili-Ahmeti ka rikujtuar se më 6 tetor, IPK-ja kishte njoftuar për nisjen e hetimeve lidhur me veprimet policore dhe përdorimin e forcës, si dhe për një rast të dyshuar të tejkalimit të autorizimeve gjatë protestës.

“Pse po vonohet Raporti?”, ka pyetur Ismaili-Ahmeti, duke kërkuar përgjigje për ecurinë e këtij procesi.