Rreth orës 18:00 në rrugën “Bujar Syla” në Gjakovë, janë dëgjuar të shtëna me armë zjarri.

Lajmin e ka konfirmuar, Vlera Krasniqi, zëdhënëse në policinë rajonale të Gjakovës.

Sipas saj, i dyshuari është paraqitur në Stacionin Policor në Gjakovë.

“Në koordinim me Prokurorin e Shtetit, ndaj tij janë iniciuar rastet për veprat penale “Mbajtja në pronësi, kontroll ose posedim i paautorizuar i armëve” dhe “Përdorimi i armës apo mjetit të rrezikshëm”, tha Krasniqi.

Me udhëzim të prokurorit, i dyshuari është ndaluar për 24 orë.