Kryetari i Prishtinës, Përparim Rama, ka thënë se sot ka dalë në terren për të parë se si ta përshtatë sheshin për festat e fundvitit.

Ai është ankuar se, po të mos kishin qenë bllokadat e shkaktuara nga pushteti qendror, sheshi “Xhorxh Bush” do të kishte përfunduar.

“Sidoqoftë, bllokadat e tyre nuk kanë me i penalizu qytetarët. Prandaj, sot dola në terren bashkë me drejtorët e Komunës, me pa nga afër qysh me e përshtatë sheshin për festat e fundvitit”, ka shkruar Rama në “Facebook”.

Postimi i plotë i Ramës:

GATI ME IA DHANË PRISHTINËS SHKËLQIMIN E FESTAVE PËR FUNDVIT

Mos me na pas blloku qeveria Kurti jashtëligjshëm për dy vjet, sot sheshi “Xhorxh Bush” kish qenë i përfundum.

Sidoqoftë, bllokadat e tyre nuk kanë me i penalizu qytetarët. Prandaj, sot dola në terren bashkë me drejtorët e Komunës, me pa nga afër qysh me e përshtatë sheshin për festat e fundvitit.

Ata blloko, na gjej alternativa!

Vazhdojmë!

Prishtina ka me qenë vend i festës dhe i pozitivitetit.