Emocione, këngë dhe valle shqiptare në mbrëmjen festive në Embrach të Zvicrës
22 nëntor 2026
| 13:01
Një mbrëmje e veçantë festive është organizuar në Embrach të Zürichut, nga Studio Artistike Fenix, me rastin e shënimit të Festës së Flamurit.
Në këtë aktivitet mori pjesë edhe veprimtari Shaip Kadriaj, i cili u shpreh i nderuar që në këtë mbrëmje të veçantë të ishte së bashku me një pjesë të Brezit të Lirisë.
Programi u karakterizua nga këngë, valle dhe interpretime të shumta artistike, përmes të cilave u sollën në pah kultura, tradita dhe historia e kombit shqiptar.
Kjo mbrëmje festive shërbeu si një dëshmi e rëndësisë së ruajtjes dhe kultivimit të vlerave kombëtare, si dhe e përcjelljes së tyre te brezat e rinj në mërgatë. 🇦🇱




