Republika Islamike e Iranit ka mohuar se luftanija amerikane ka rrëzuar një dron iranian në Ngushticën e Hormuzit, ashtu siç pretendon SHBA-ja.

Zëvendësministri i Jashtëm iranian, Abbas Araghchi, ka shkruar në “Twitter” se Teherani nuk ka humbur ndonjë dron në Ngushticën e Hormuzit apo gjetkë.

Kurse, zëdhënësi i forcave të armatosura të Iranit, Abolfazl Shekarchi, ka treguar se të gjithë dronët iranianë janë kthyer në bazat e tyre.

Zyrtarët iranian kanë paralajmëruar se se së shpejti do të publikojë imazhe që i hedhin poshtë pretendimet e SHBA-së.

Me herët, presidenti i Shteteve të Bashkuara, Donald Trump, ka deklaruar se luftanija amerikane ka rrëzuar dronin iranian, pasi ai ka paraqitur kërcënim për të, duke fluturuar 1,000 metra larg luftanijes.