Shefi i grupit parlamentar të Nismës Socialdemokrate, Haxhi Shala, ka thënë se qeveria në detyrë, e drejtuar nga Vetëvendosje është duke e vështirësuar punën e bizneseve.

Shala ka thënë se pagesa prej 22.5 euro për dezinfektim e mallrave që hyjnë nga Shqipëria në Kosovës është plaçkitje e bizneseve nga ana e pushtetit.

“Ata, përkatësisht pushteti i VV-së, që deri dje u thirreshin në mbrojtjen dhe rimëkëmbjen e ekonomisë menjëherë pas heqjes së masave kufizuese për biznese, të njëjtit tani po e vështirësojnë punën e tyre. Shumë kontradiktore, kujtojmë se janë po të njëjtit të cilët para se të vinin në pushtet e kanë përdorur patriotizmin si mjet populist, duke bërë thirrje për heqjen e barrierave tregtare mes Shqipërisë dhe Kosovës, pra duke u thirrur në emër të idesë për bashkim kombëtar. Pagesa e dezinfektimit të mallrave që po hyjnë nga Shqipëria në Kosovë është më tepër se plaçkitje. Pagesa prej 22.5 euro e tejkalon çdo standard dhe si e tillë është shume e shtrenjtë”, ka shkruar Shala në llogarinë e vet në “Facebook”. (L.G/ Epoka e re)

https://www.facebook.com/shalahaxhi/photos/a.672501686147302/3169582929772486/?type=3&theater