Është anuluar miqësorja Armeni-Shqipëri, që ishte planifikuar të luhet më datën 7 tetor në Jerevan, kryeqytetin e Armenisë.

Zyra e shtypit në FShF-së ka bërë me dije se kjo miqësore u anulua për shkak të situatës së rënduar dhe trazirave që po ndodhin aktualisht në Armeni.

Sipas FShF-së, ekipi kombëtar shqiptar do të vazhdojë normalisht përgatitjet në Tiranë për dy ndeshjet zyrtare të tetorit në Nations League ndaj Kazakistanit (11 tetor) dhe Lituanisë (14 tetor).