Deputeti, Liburn Aliu, do ta ushtrojë detyrën e shefit të Grupit Parlamentar të Lëvizjes Vetëvendosje në Kuvendin e Kosovës.

Lajmin e ka bërë me dije lideri i LV-së, Albin Kurti.

“Tash e tutje grupi parlamentar i LV-së do të ketë ushtrues detyre deputetin Liburn Aliu, do ta zëvendësojë kryetarin tonë të grupit parlamentar Rexhep Selimi. Nuk do të zgjedhim kryetar të ri, nuk do të nxitohemi, e kemi kryetarin Selimi. Por funksionalisht detyrën e tij do ta kryejë Liburn Aliu”, ka thënë Kurti, raporton “Epoka e re”.